Aktualitet

"Shqipëria nuk po ngrihet nga shtrati", presidenti kroat: Jam i vetmi jo shqiptar që kam kërkuar njohjen e Kosovës

Shkruar nga Liberale
"Shqipëria nuk po ngrihet nga shtrati", presidenti kroat: Jam i

Tepër kritik ndaj Bashkimi Evropian është treguar presidenti i Kroacisë Zoran Milanoviç, në konferencën e përbashkët me homologun shqiptar, Bajram Begaj.

Duke e quajtur veten dëshmitar të zhvillimit të Shqipërisë, ai ka thënë se pavarësisht futjes në NATO, procesi i integrimit të vendit tonë ka mbetur në vend, duke mos u ngritur dot nga shtrati.

Ai ka folur edhe për Kosovën, për të cilën ka qenë shpesh mbështetës, ndërsa ka deklaruar se është i vetmi jo shqiptar i cili po kërkon që Kosova të njihet si shtet, pasi sipas tij, Europa nuk e përmend.

“Në 20 vite jam dëshmitar i zhvillimit të Shqipërisë në të gjitha aspektet. Fatkeqësisht ky progres nuk është përcjellë me reagimet e duhura institucionale nga ana e Bashkimit Europian. Dua të them diçka që e kam thënë për herë të parë në vitin 2012, kur kryeministër ishte Sali Berisha, por rrethanat ishin të ngjashme. Në atë kohë Shqipëria kishte 3 vite që ishte anëtare e NATO-s. Në atë kohë Serbia dhe Mali i zi kishin avancuar, por për Shqipërinë nuk ndodhte asgjë. Ky absurd i cili ishte i dukshëm atëherë është i dukshëm edhe tani.

Një shtet që është mjaft i organizuar që të jetë anëtare në NATO, në të njëjtën kohë avancimi drejt një aleancë tjetër si Bashkimi Europian, aty Shqipëria nuk ka mundur as të bëjë hapin e parë, madje as të ngrihet nga shtrati. Kjo është e pasinqertë, nuk është siç duhet. Tashmë pas 11 vitesh, kemi lëvizur pak por jo shumë.

Kjo flet shumë për Bashkimin Europian, për prioritetet tona. Fakt është që jam ndër të vetmit që nuk jam shqiptar, dhe kam bërë në New York thirrjen për të pranuar Kosovën. Kjo është tema për të cilën foli edhe zoti president. Këtë fakt e di e gjithë Europa, por nuk do ta përmendi, kjo nuk është shumë e mirë dhe e sinqertë. Kjo është e padobishme e madje e dëmshme për ne. Kemi 12 vjet që dëgjojmë argumente të njëjta e ndërsa koha kalon, pengesat bëhen më të vështira. Shuma pak gjëra po bëhen”, tha presidenti kroat.

Liberale Newsroom

Poll
SHQIPENGLISH