Një aksident i rëndë rrugor ka ndodhur sot në fshatin Sotirë të Gramshit, ku një makinë tip fuoristradë me tre persona në bord ka dalë nga rruga.
Si pasojë e aksidentit, Ilir Hoxha, Fatjon Hoxha dhe Islam Bezati kanë mbetur të plagosur. Të tre u transportuan fillimisht në Spitalin e Gramshit, ku morën ndihmën e parë, ndërsa më pas u nisën drejt Spitalit të Traumës në Tiranë për trajtim më të specializuar.
