Situata e zjarreve në Gramsh vazhdon të jetë shumë e vështirë.
Kjo pasi era e ka përhapur zjarrin dhe vatra të reja kanë dalë në zona të ndryshme. Në Skënderbegas po digjet dhe fshati i fundit.
Gjithsej 6 fshatra të shkrumbuar totalisht, fshati i 7 sapo është përfshirë nga flaket dhe një tjetër shumë afër.
Në njësinë Kodovjat zjarri është shumë afër fshatit Posnovisht dhe pastaj fshatrat e tjerë janë zinxhir afër me njëri tjetrin.
Kujtojmë se ditën e djeshme u shënua dhe viktima e parë nga zjarret, ku një i moshuar në Gramsh humbi jetën pikërisht për shkak të flakëve që mbërthyen disa fshatra.
