Kolegji i Posaçëm i Apelimit (KPA) ka shpallur sot vendimin për çështjen e gjyqtarit Kudusi Shahu, në kuadër të procesit të vettingut.
Trupa gjykuese e përbërë nga Sokol Çomo, Mimoza Tasi, Albana Shtylla, Natasha Mulaj dhe Rezarta Schuetz, vendosi në mënyrë unanime që të lërë në fuqi vendimin e Komisionit të Pavarur të Kualifikimit (KPK), të dhënë më 12 dhjetor 2022.
Ky vendim nënkupton se ankesa e gjyqtarit Shahu është rrëzuar, dhe ai përjashtohet nga sistemi i drejtësisë sipas vendimit të mëparshëm të KPK-së.
Vendimi i KPA-së është përfundimtar dhe hyn në fuqi menjëherë, pa të drejtë ankimi.
