Një grua me shtetësi amerikane është gjetur e pajetë paraditen e sotme në banesën e saj në qytetin e Sarandës.
Viktima është identifikuar si Sharly Lynn Chaddick, 63 vjeçe. Ajo kishte disa vite që jetonte në Sarandë, ku kishte blerë një shtëpi dhe ishte vendosur për të jetuar.
Trupi i saj është transportuar në morgun e qytetit, dhe pritet të dërgohet në Institutin e Mjekësisë Ligjore (IML) në Tiranë për të kryer ekspertizën mjeko-ligjore që do të përcaktojë shkakun e vdekjes.
Autoritetet lokale kanë nisur hetimet për të sqaruar rrethanat e ngjarjes. Deri tani nuk raportohet për shenja dhune apo dyshime për ngjarje kriminale.
