Personi në foto është Mirgen Çela, një banor i Gramshit, i angazhuar si vullnetar për të ndihmuar në situatën e zjarreve që ka përfshirë disa fshatra të këtij qyteti.
Ai u shpreh për Report Tv, se sot situata është e vështirë në fshatin Nartë, ku flakët janë përhapur në të gjithë fshatin. Zjarri po përparon drejt banesave, ndërsa banorët e zonës janë evakuuar.
Mirgen Çela u angazhua edhe ditën e djeshme, kur shpërtheu situata alarmante në fshatrat e Gramshit. Ai ndihmoi disa familje një ditë më parë duke i larguar nga zona e rrezikut, por fatkeqësisht humbi edhe shtëpinë e tij, që u përfshi nga flakët e mëdha.
