“Kushdo që e sheh Artur Haxhiun, 55-vjeçarin me origjinë shqiptare, i dyshuar për tentativën e vrasjes së disa kolegëve, është i lutur të kontaktojë urgjentisht në numrin 112”.
Ky është apeli i karabinierëve të Portogruaros dhe prokurorisë së Pordenones, që janë vënë në gjurmë të të arratisurit, gjurmët e të cilit kanë humbur që prej mëngjesit të së hënës, 27 qershor, kur qëlloi disa kolegë për arsye ende të panjohura.
Policia italiane ka shpërndarë edhe foton e të kërkuarit për të lehtësuar raportimet e mundshme nga qytetarët. Nuk përjashtohet mundësia që shqiptari të jetë ende i armatosur: arma që ka përdorur për të plagosur kolegët e tij nuk është gjetur, ndryshe nga furgoni i përdorur për arratisjen, i gjetur në periferi të Bibione”, transmeton “Liberale.al”.
55 vjeçari shqiptar ishte banues në Bevazzana. Ai pas një sherri në vendin e punës plagosi rëndë bashkë-kombasin e tij 35-vjeçar. I goditur nga tre plumba, 35 vjeçari shqiptar u dërgua me helikopter në spitalin Angelo në Mestre. Ai ishte ende në terapi intensive, me një prognozë të rezervuar. I plagosur nga të shtënat mbeti edhe një tjetër koleg i tij, 60-vjeçari italian nga Latisana, i cili me sa mësohet ishte përpjekur të qetësonte situatën.
Pas ngjarjes policia ka ngritur postblloqe dhe kontrolle të shumta, por ende nuk e ka arrestuar 55-vjeçarin ndaj edhe kërkon ndihmën e publikut. /Liberale.al/
