“Met Office” paralajmëron se temperaturat në Angli mund të arrijnë deri në 40 gradë Celsius, duke rrezikuar jetën e njerëzve. Sipas BBC, vala e të nxehtit mund të shkaktojë ndërprerje të udhëtimit dhe infrastrukturës.
Moti në fillim të javës së ardhshme parashikohet të jetë i ngrohtë në të gjithë Mbretërinë e Bashkuar. Por, zëdhënësi i Met Office, Grahame Madge tha se kishte 50% gjasa që temperaturat të arrijnë 40 gradë C.
Prezantuesi i BBC, Weather Matt Taylor tha se, kishte gjasë që rekordi në Mbretërinë e Bashkuar të thyhej. Temperatura më e lartë e regjistruar në Britaninë e Madhe ka qenë 38.7C në Kembrixh në vitin 2019. /Liberale.al
