Elona Ndrecaj po përfaqëson denjësisht Shqipërinë në konkursin prestigjioz Miss World 2025, i cili këtë vit po mbahet në Telangana, Indi.
Me një prezencë të fortë, qëndrim të sigurt dhe elegancë natyrale, Elona është vlerësuar si një nga konkurrentet më të spikatura të këtij edicioni. Ajo ka arritur të fitojë vëmendjen jo vetëm në skenë, por edhe në rrjetet sociale, ku është mjaft aktive duke ndarë momente nga përvoja e saj dhe mesazhe frymëzuese.
Mbështetja e publikut shqiptar ka qenë e jashtëzakonshme, duke e përkrahur jo vetëm si përfaqësuese bukurie, por edhe si një zë që përfaqëson kulturën dhe vlerat shqiptare me dinjitet.
“Po shkon shumë mirë, dhe le të shohim si do të vazhdojë rrugëtimi im”, u shpreh Elona në një deklaratë të fundit.
