Pakistani thotë se do ta rekomandonte Donald Trumpin për Çmimin Nobel për Paqen për punën e tij në ndihmën për zgjidhjen e konfliktit të kohëve të fundit midis Indisë dhe Pakistanit.
Disa analistë në Pakistan kanë sugjeruar se ky veprim mund ta bindë presidentin amerikan të rishqyrtojë mundësinë për të ndalur Izraelin në sulmin ndaj objekteve bërthamore të Iranit.
Pakistani e ka dënuar sulmin e Izraelit ndaj Iranit si shkelje të së drejtës ndërkombëtare dhe tha se ky sulm kërcënon stabilitetin rajonal.
Muajin e kaluar, një njoftim i papritur nga zoti Trump për një armëpushim i dha fund një konflikti katër-ditor midis Indisë dhe Pakistanit, dy shtete të armatosura me armë bërthamore.
Presidenti amerikan është mburrur vazhdimisht se ka shmangur një luftë bërthamore dhe ka shpëtuar miliona jetë, dhe është ankuar se nuk ka marrë mjaftueshëm kredite.
