Një 39-vjeçar shqiptar humbi jetën tragjikisht në Cortona, Itali, pas përplasjes nga një makinë.
Sipas medieve italiane, ngjarja e rëndë ndodhi mëngjesin e sotëm në Cortona, Itali, ku një burrë 39-vjeçar me origjinë shqiptare u godit fatalisht nga një makinë. Aksidenti ndodhi rreth orës 7:45, ndërsa përpjekjet e emergjencës dhe helikopterit të shpëtimit për të shpëtuar jetën e tij, nuk dhanë rezultat.
Automjeti, i drejtuar nga një 19-vjeçar vendas, goditi shqiptarin pranë rrugës në drejtim veri nga Liqeni Trasimeno drejt Cortonës. Hetimet nga karabinierët po vazhdojnë për të sqaruar shkakun e aksidentit dhe nëse shoferi humbi kontrollin e mjetit.
Viktima është identifikuar me inicialet E.G. dhe ishte banor i Tuoro sul Trasimeno. Rrethanat e ngjarjes mbeten ende në hetim.
