Një aksident rrugor është regjistruar pasditen e sotme në Bushat të Vaut të Dejës, ku një automjet ka përplasur një motomjet të drejtuar nga një adoleshent.
Ngjarja ndodhi rreth orës 15:30, kur shtetasi Gj. N., duke drejtuar automjetin e tij, dyshohet se ka humbur kontrollin dhe ka përplasur motomjetin që drejtohej nga një 16-vjeçar. Nga përplasja, është dëmtuar pasagjeri në motor, gjithashtu 16 vjeç, i cili u transportua menjëherë në Spitalin Rajonal të Shkodrës.
Fatmirësisht, i mituri ndodhet jashtë rrezikut për jetën.
