Pas ngjarjeve të fundit të ndodhura në zonën e Sarandës dhe Ksamilit, përfaqësues të Ministrisë së Brendshme dhe drejtues të lartë të Drejtorisë Vendore të Policisë së Vlorës kanë mbërritur sot në Komisariatin e Policisë Sarandë.
Burime zyrtare bëjnë me dije se është zhvilluar një mbledhje urgjente me drejtuesit lokalë të policisë, ku në fokus ka qenë analiza e situatës së krijuar dhe hapat që do të ndërmerren në vijim.
Paralelisht me zhvillimet në drejtim të komandës policore, mësohet se që në orët e para të mëngjesit, forcat RENEA, në bashkëpunim me FNSH dhe repartin “Shqiponja”, kanë ndërmarrë një sërë kontrollesh të gjera në terren. Operacioni është shtrirë si nga toka ashtu edhe nga deti, duke përfshirë zona malore, tunele dhe bunkerë të braktisur.
Ndërkohë kontrollet po vijojnë ende edhe në këto çaste.
