Prokuroria e Posaçme Kundër Korrupsionit dhe Krimit të Organizuar (SPAK) ka përfunduar hetimet dhe ka dërguar për gjykim Pandeli Bozhën, babain e kandidates për deputete të Partisë SocialDemokrate në Fier, Limonera Bozha. Ai akuzohet për korrupsion aktiv gjatë zgjedhjeve.
Në këtë çështje është përfshirë edhe Vladimir Lushkaj, i cili akuzohet për korrupsion pasiv në zgjedhje. Të dy janë marrë në hetim për shkelje që lidhen me manipulimin e procesit zgjedhor.
SPAK vijon përpjekjet për luftën kundër korrupsionit dhe kërkon drejtësi për rastet që dëmtojnë integritetin e zgjedhjeve dhe besimin e qytetarëve në procesin demokratik.
