Pavarësisht suksesit të jashtëzakonshëm që ka arritur gjatë karrierës së saj, reperja e njohur Nicki Minaj ka treguar se ka pasur shumë momente kur ka menduar të largohet nga industria muzikore.
Artistja 42-vjeçare, e cila numëron mbi 100 milionë albume të shitura dhe konsiderohet si reperja femër më e suksesshme në histori, ka rrëfyer për Vogue Italia se kritikat e vazhdueshme dhe presioni i jetës publike e kanë prekur thellë gjatë viteve.
“Kam dëgjuar çdo kritikë të mundshme për mua. Kam menduar të heq dorë kaq shumë herë,” tha ajo.
“Jam e lumtur që nuk e bëra. Shpresoj që historia ime të jetë frymëzim dhe t’i shtyjë fëmijët, të rriturit, këdo, të mos dorëzohen”, tha Minaj.
Tutje, ylli tregoi se si e vonoi të bëhej nënë për hir të karrierës së saj dhe për të siguruar jetesën për anëtarët e familjes.
