Konkurrentja e “She’s On Top”, Arta Marku, ka rrëfyer periudhën e saj më të vështirë në jetë. Teksa tregonte se fëmijëria e saj ka qenë shumë e bukur, 22-vjeçarja shprehet se gjithçka ndryshoi në adoleshencë kur babai i saj bëri aksident.
Modelja rrëfen se Spitali Ushtarak ka qenë shtëpia e saj e dytë, e gjithë familjes së saj.
“5 vite kanë qenë shumë të vështira, ka qëndruar goxha në koma. Faleminderit Zotit, mrekullia e tij ka qenë që nuk ka dëmtuar pjesën e shtyllës kurrizore. Çdo kockë e tij është e thyer dhe është gjithë hekura e vida”, rrëfeu e reja.
Marku ka dhënë edhe një mesazh për të gjithë:
“Duajini prindërit sa i keni, vlerësojeni, mos u mërzisni me ata kur iu kërkojnë një përqafim nga hiçi, nëse iu thonë hajde më puth pak ose më përqafo se më ka marrë malli, thjesht mos u ndjeni të lodhur, mos e bëni kurrë”.
