Kryetari i Partisë Demokratike, Enkelejd Alibeaj ka reaguar ndaj sulmit që iu bë televizionit Top Channel, ku si pasojë humbi jetën roja Pal Kola.
Alibeaj ka shprehur ngushëllimet për familjen e punonjësit të sigurisë, ndërsa thekson se sulmi i mbrëmshëm është një sulm ndaj medias, fjalës së lirë.
“Sulmi me armë ndaj televizionit kombëtar, Top Channel dhe vrasja e rojës së sigurisë është një ngjarje e rëndë dhe akt kriminal të cilin e dënoj me forcë. Ngushëllimet e mia për familjen e punonjësit të sigurisë Pal Kola, që humbi jetën në këtë ngjarje të rëndë. Sulmi i mbrëmshëm është një sulm ndaj medias, fjalës së lirë, por është dhe një sulm i rëndë ndaj sigurisë publike në vend. Në emër të PD bëj thirrje organeve ligjzbatuese të zbardhin urgjentisht ngjarjen dhe autorët të vihen para drejtësisë. Mbështetje dhe solidaritet për stafin e Top Channel”, ka shkruar Alibeaj.
