Aktualitet

Për pushime në Shqipëri, Meloni me familjen niset drejt Vlorës me traget, takim edhe me Ramën

Shkruar nga Liberale
Për pushime në Shqipëri, Meloni me familjen niset drejt

Kryeministrja italiane Giorgia Meloni pritet të vizitojë sot Vlorën, pas ftesës së marrë nga homologu i saj shqiptar, Edi Rama. Raportohet se Meloni është nisur nga Brindisi me një traget të linjës.

Gazetari Enrik Mehmeti ka siguruar dhe listën e pasagjerëve, ku shihet emri i shefes së qeverisë italiane mes pasagjerëve të zakonshëm. Ajo pritet të mbërrijë në Vlorë në orën 17:00.

Mediat italiane shkruajnë se Meloni do të jetë në Shqipëri bashkë me bashkëshortin e saj Andrea Giambruno, vajzën e saj Ginevra dhe ndoshta edhe me motrën e saj Arianna dhe bashkëshortin e saj ministër, Francesco Lollobrigida. Në axhendë është planifikuar edhe një vizitë private me kryeministin Rama në rezidencën qeveritare.

Meloni është nisur mëngjesin e sotëm për në Vlorë me tragetin “Prince” në pronësi të një kompanie shqiptare dhe i shoqëruar nga një grup i vogël miqsh dhe bashkëpunëtorësh. Ajo do të qëndrojë 2-3 ditë në Shqipëri.

Ditët e fundit mediat italiane kanë treguar interes të lartë për mendimin e Kryeministrit Edi Rama në lidhje me Kryeministrin e Italisë, Giorgia Meloni, sipas të cilit ajo është trashëgimtare e një tigri, jo e një rinoceronti. Në intervistën për gazetën e përditshme italiane “Libero”, sërish Rama përcolli vlerësimin e tij dhe surprizën përballë të cilës u gjendën dhe vetë liderët europianë.

”Në skenën ndërkombëtare, Giorgia i ka surprizuar të gjithë, e do të thosha alla grande, sepse teksa prisnin një përbindësh fashist që do të marshonte mbi Europë, u gjendën përballë një gruaje me aftësi mahnitëse në komunikim si një evropiane e thekur, që deri më tash s’ka thënë asgjë gabim. E djathta, e majtë, fashizmi, socializmi kanë kuptim kur flasim për histori, por kërkimi i sensit të tyre të hershëm në politikën e sotme mund të na ngatërrojë me këmbët tona”, tha Rama.

Liberale Newsroom

Poll
SHQIPENGLISH