Aktualitet

Ekstradohet drejt Italisë durrsaku, pjesë e organizatës kriminale

Shkruar nga Liberale
Ekstradohet drejt Italisë durrsaku, pjesë e organizatës kriminale

Policia e Durrësit ka vënë në pranga shtetasin S.J., me qëllim ekstradimin drejt Italisë.

Ky shtetas ishte shpallur në kërkim për veprën penale “Drogë, Kokainë, Organizatë kriminale”.

Njoftimi i policisë

Finalizohet operacioni “Ekstradimi”, zhvilluar nga Sektori për Hetimin e Narkotikëve në DVP Durrës në bashkëpunim me Interpol Tirana.

Kapet dhe arrestohet me qëllim ekstradimi drejt Italisë, i kërkuari për trafikim të drogave të forta dhe pjesëmarrje në organizatë kriminale

Specialistët për Hetimin e Narkotikëve në D.V.P Durrës, pas informacioneve të marra në rrugë operative dhe një punë të mirëorganizuar, në kuadër të operacionit “Ekstradimi”, bënë të mundur kapjen dhe arrestimin me qëllim ekstradimi drejt Italisë të shtetasit S.J., banues në Durrës.

Ky shtetas ishte shpallur në kërkim ndërkombëtar nga Interpol Roma, pasi Gjykata e Cagliarit,Itali, me vendimin Nr.7855/17, datë 17.07.2019 ka caktuar masën e sigurisë “Arrest me burg” për veprën penale “Drogë, Kokainë, Organizatë kriminale” parashikuar nga Kodit Penal Italian.

Interpol Tirana në bashkëpunim me Interpol Romën po vijon veprimet për ekstradimin e këtij shtetasi drejt Italisë./Gazeta Liberale

Liberale Newsroom

Poll
SHQIPENGLISH