Aktualitet

Vdekja e këngëtarit, dëshmitari tregon si ndodhi aksidenti

Shkruar nga Liberale
Vdekja e këngëtarit, dëshmitari tregon si ndodhi aksidenti

30 vjeçari, Erjon Beli, humbi jetën në një aksident tragjik pak pas mesnatës së të enjtes.

Policia ka arritur në konkluzionin se shoferi ka qenë duke përdorur celularin në momentin e aksidentit, çka i ka shkaktuar humbjen e kontrollit të mjetit, duke dalë nga rruga.

Një nga dëshmitarët e këtij aksidenti tragjik, shtëpia e së cili është shumë pranë vendit të përplasjes, tregoi për Tch vështirësitë e zjarrëfikësve për të nxjerrë trupin e pajetë nga makina.

“Nga ora 12 e 5, u dëgjua një krismë. Dola bashkë me djalin tim dhe i pashë. Domethënë makina ishte përplasur, ndërsa makina ishte kthyer. U desh ndërhyrja e zjarrfikësve, të cilët prenë makinën për të nxjerrë kufomën pasi makina ishte shumë e shtypur. Kurse pasagjeri ishte më në gjendje, u çua në këmbë vet. Ishin dy veta në makinë, shoferi dhe pasagjeri. Thanë që ishin këngëtarë tallavaje”,  u shpreh dëshmitari./Gazeta Liberale

Liberale Newsroom

Poll
SHQIPENGLISH