Vijojnë tensionet në zonën e Thethit, ku Inspektorati Kombëtar i Mbrojtjes së Territorit (IKMT) po kryen aksionin për prishjen e ndërtimeve pa leje.
Sipas burimeve nga terreni, disa banorë janë futur në një nga banesat që është planifikuar për t’u shembur, duke kundërshtuar aksionin e IKMT-së dhe duke u përpjekur të ndalojnë fadromat që kanë mbërritur në vendin e ngjarjes.
Pronarët e objektit pretendojnë se çështja është ende në shqyrtim gjyqësor dhe kërkojnë që të pritet vendimi i gjykatës, i cili pritet të jepet brenda pesë ditëve të ardhshme.
