Një zjarr ka përfshirë pasditen e së hënës një sipërfaqe me shkurre në fshatin Delisuf, njësia administrative Novoselë, në territorin e bashkisë Vlorë.
Ngjarja u raportua rreth orës 17:00 dhe është neutralizuar pas rreth një ore, në 18:10. Sipas zyrës së Prefektit të Qarkut Vlorë, zjarri ka djegur afërsisht 1 hektar tokë me bimësi të ulët, ndërsa fatmirësisht nuk ka pasur dëme në njerëz apo objekte.
Në operacionin për shuarjen e flakëve morën pjesë 3 forca zjarrfikëse me një automjet, ndërkohë që nuk është kërkuar ndihma e strukturave të tjera shtetërore.
Shkaku i rënies së zjarrit mbetet ende i paqartë, ndërsa autoritetet po hetojnë për të përcaktuar origjinën e flakëve.
