Një grup personash nuk iu bindën urdhrit të policisë për t’u ndaluar dhe gjatë tentativës për t’u larguar, përplasën tre makina. Ata braktisën automjetin dhe hodhën në rrugë një pistoletë, e cila u sekuestrua nga policia.
Forcat e posaçme “Shqiponja” ndjekën personat dhe kapën pasagjerin e automjetit, Skerdi Sina, 29 vjeç. Gjatë kontrollit, atij i gjetën një krehër dhe fishekë.
Drejtuesi i makinës u identifikua, por është ende në arrati. Policia po punon për ta gjetur dhe arrestuar atë.
Grupi hetimor po vazhdon punën për të zbuluar të gjitha rrethanat e ngjarjes.
