Disa akse kryesore në vend janë bllokuar prej disa minutave në një protestë të paralajmëruar prej Partisë Demokratike.
Mes tyre është edhe makina e deputetit Flamur Noka, një “Range Rover” që është parkuar në hyrje të autostradës Tiranë-Durrës, te “Kthesa e Kamzës”.
Së bashku me disa fuoristrada të tjera dhe disa vetura, ata kanë bllokuar kështu trafikun duke fikur makinat e tyre në mes të rrugës.
Akset rrugore të bllokuara janë:
“Tiranë–Durrës”, pranë mbikalimit të Kamzës; “Durrës-Tiranë”, pranë mbikalimit të Shkozetit; “Kashar–Milot”, pranë kryqëzimit të Milotit; “Elbasan–Tiranë”, te rrethrrotullimi i Bradasheshit; “Durrës–Fier”, te rrethrrotullimi i Rrogozhinës dhe “Levan–Tepelenë”, te rrethrrotullimi i Levanit.
