Kandidati i Partisë Demokratike Roland Bejko, vijoi takimet në njësinë nr. 2 në Tiranë.
Bejko kritikoi Veliajn ku tha se me taksat dhe buxhet të lartë ka bërë shumë pak për Tiranën. Bejko shtoi se një ndër shqetësimet e qytetarëve është monopoli i Tregut Agro-Ushqimor, që ka çmime të larta.
Për këtë Bejko thotë se do të krijojnë 5 tregje të tjera në hyrje të Tiranës, në mënyrë që ta çmonopolizojmë.
“Në njësinë bashkiake 2, vijuam takimet derë më derë dhe duke u takuar direkt me qytetarët e Tiranës. Në çdo zonë që shkel dhe flas me qytetarët kërkesat janë të njëjta, biznesi kërkon taksa të ulëta që do t’ja u ofrojmë. Ç’monopolizim të tregut të fruta perimeve, që ne do ta heqim. Pa harruar cilësinë e ajrit dhe ujë 24 orë. Jam i habitur si ka mundësi me taksa kaq të larta dhe buxhet 250 milion euro, bashkia e Erjon Veliajt nuk i ka dhënë zgjidhje këtyre problemeve. Në 14 maj është koha për të reaguar me votë për harresën dhe abuzimet e kësaj bashkie”, theksoi Roland Bejko.
