Aktualitet

Rakacolli: Hipja në autobusë, zgjedhje personale, zgjidhni oraret

Shkruar nga Liberale
Rakacolli: Hipja në autobusë, zgjedhje personale, zgjidhni oraret

Zëvendësministrja e Shëndetësisë, Mira Rakacolli tha se hipja në autobusë është zgjedhje personale e gjithsecilit, ndërkohë që iu sugjeroi qytetarëve që të zgjedhin orare të përshtatshme.

“Kemi fëmijë të shtruar, që paraqesin forma të rënda, por ka një përmirësim të lehtë sa i takon dy javëve më parë. Unë vazhdoj të mbetem tek fakti se kontrolle në terren bëhen, por duhet të kemi parasysh një gjë që të hipësh në autobus është zgjedhje personale. Suksesi arrihet me bindje. Nuk të detyron njeri që të hipësh në autobus, por zgjidhet dhe një orar i përshtatshëm për të mbrojtur veten dhe anëtarët e familjes. Ndaj, duhet të drejtohemi tek bindja dhe tek ajo që nuk duhet t’i shkelim dhe të respektojmë distancën. Në spitalet e tjetra të vendit janë ata pacientë postcovid, apo ata që presin në triazhim. Të sëmurët me covid trajtohen vetëm në ato spitale që janë shpallur si të tillë.”, tha ajo.

Liberale Newsroom

Poll
SHQIPENGLISH