Kryeministri Edi Rama në një konferencë për shtyp ka lajmëruar anulimin e mbledhjes mes dy qeverive që pritej të mbahej ditën e nesërme më 14 qershor në Gjakovë.
Nisur nga situata në veri, Rama tha se do të zhvillojë një takim me Albin Kurtin dhe ministrat e jashtëm të BE.
"Me keqardhje më duhet të them që nuk kemi pasur dakordësinë e kryeministrit Kurti për një ndryshim të formatit. Ai ka kërkuar që mbledhja të bëhet normalisht dhe më pas veç të diskutohet dhe për këtë por kjo nuk është e mundur. Nuk është momenti për të krijuar një pasqyrë të rreme me realitetin që ndodh sot. Shpresoj që mund të takohemi për të ballafaquar opinionet”, tha Rama.
