Kongregacioni prezantoi Lordin William Hague si Kancelarin e 160-të të Universitetit të Oksfordit, në një ceremoni tradicionale të mbajtur në Teatrin Sheldonian.
I rrethuar nga një procesion zyrtarësh të rangut të lartë të Universitetit, Hague kaloi nga ndërtesa Clarendon në Old Bodleian Quad, përmes Shkollës së Hyjnisë dhe drejt Sheldonian.
Në një ceremoni, entuziaste dhe me nota humori, Hague iu dorëzuan objekte të ndryshme me rëndësi, përfshirë statutet e Universitetit, çelësat (të cilët ai i tundi në mënyrë dramatike) dhe vulat, përpara se më në fund të betohej "do fidem" (Betohem). Për betimin kishte edhe veshjen tradicionale, të zbukuruar e të qëndisur me ar.
Megjithatë, duke lënë mënjanë latinishten, si oratori ashtu edhe Hague i plotësuan fjalimet e tyre në anglisht. Oratori e pyeti Hague për aftësitë e tij latine dhe ai me shaka theksoi se në provimet përfundimtare u mjaftua për "mbushjen e minutës së fundit".
Hague përmendi me gëzim gjithashtu edhe për praninë e kancelarit të mëparshëm, Lord Chris Patten (inauguruar në 2003), duke theksuar: “Kancelari i fundit që hoqi dorë nga roli gjatë jetës së tyre, Duka i 2-të i Ormonde në 1715, u largua menjëherë nga vendi. Jam shumë i kënaqur që Chris nuk e ka parë të nevojshme ta bëjë këtë.”
Kancelari i ri përfundoi duke thënë: “Do të bëj mirë të ndjek shembullin e paraardhësve të mi të fundit në mbështetjen e idesë së një universiteti të madh liberal, të ndërtuar mbi traditat e lashta, por në skajin më të fundit të modernitetit, duke nxitur mendje të shkëlqyera përmes fuqisë së debatit, kërkimit dhe arsyes. Unë do të festoj dhe artikuloj arritjet tuaja, do t'ju nxis kur keni dyshime dhe do t'ju ndihmoj t'ju mbroj kur liritë tuaja janë nën kërcënim. Mezi pres, më shumë se çdo gjë që kam bërë ndonjëherë, të përfaqësoj dhe të mbroj një nga institucionet më të mëdha në botë, Universitetin e Oksfordit.”
/Liberale.al/
