Kronikë

Shqiptari 23-vjeçar humb jetën në një aksident tragjik në Itali, dyshohet se po i shmangej një kontrolli policor

Shkruar nga Liberale.al

Shqiptari 23-vjeçar humb jetën në një aksident tragjik

Një ngjarje e rëndë ka ndodhur këtë të martë në Treviso të Italisë, ku një 23-vjeçar shqiptar ka humbur jetën pas një aksidenti të rëndë rrugor. Viktima është identifikuar si Kevin Anghel.

Sipas raportimeve të mediave italiane, i riu dyshohet se përpiqej t’i shmangej një pike kontrolli të karabinierëve kur humbi kontrollin e makinës. Ai përshpejtoi menjëherë sapo vuri re praninë e patrullës, edhe pse forcat e rendit nuk e ndoqën drejtpërdrejt, duke qenë se e njihnin dhe raportuan automjetin në qendrën operative.

Pak minuta më pas, ndodhi tragjedia. Makina e tij rrëshqiti me shpejtësi të lartë dhe u përplas me dy pemë anës rrugës, duke u ndarë në dy pjesë nga forca e goditjes. Copëza të automjetit u shpërndanë në një zonë të gjerë, dhe një pjesë goditi edhe një furgon që po kalonte aty pranë.

Ekipet e emergjencës mbërritën shpejt në vendin e ngjarjes. Kevini ishte ende gjallë dhe i bllokuar në rrënoja, por fatkeqësisht nuk i mbijetoi plagëve të rënda dhe ndërroi jetë gjatë transportit për në spitalin e Oderzos.

Liberale Newsroom

Kabineti ‘RAMA 4’ duhet të ketë ministra:

  • 1. Politikë!
  • 2. Teknikë!
SHQIPENGLISH