Komisioni Europian në Tiranë i ka bërë jehonë studimit të Universitetit Europian të Tiranës, “Nga izolimi te integrimi”, teksa eventi i mbajtur me këtë rast është publikuar në faqen zyrtare.
Në fokus mononografia “Nga Izolimi te Integrimi: Ligjërimi Mediatik për Integrimin e Shqipërisë në BE”, u prezantua në Universitetin Evropian të Tiranës me mbështetjen e BE-së.
Botimi, i realizuar në kuadër të projektit Jean Monnet Chair – PROEUMEDAL - mbajtur nga Prof. Belina Budini, bëri bashkë në auditor autorët, studentët dhe autoritetet rregullatore te medias në një bisedë mbi narrativat mediatike dhe perceptimin publik mbi procesin e anëtarësimit të Shqipërisë në Bashkimin Evropian. Duke ndërlidhur analizën e diskursit mediatik me procesin e integrimit, ai ofron një pasqyrë të thelluar mbi ndikimin e medias në këtë rrugëtim.
Ky botim shërben edhe si një burim i vlefshëm për studiuesit, studentët dhe të gjithë ata që janë të interesuar të kuptojnë rolin e fuqishëm të mediave në formësimin e opinionit publik.
Financuar nga Bashkimi Evropian, Jean Monnet Chair mbështet kërkimin dhe mësimdhënien në fushën e studimeve evropiane në mbarë botën.
