Këshilli i Ministrave ka miratuar sot emërimin e Adela Demetjas në krye të Galerisë Kombëtare të Arteve. Vendimi u mor me propozimin e Ministrit të Ekonomisë, Kulturës dhe Inovacionit dhe hyn në fuqi menjëherë.
Adela Demetja është një emër i njohur në fushën e artit bashkëkohor, si kuratore dhe menaxhere arti me përvojë ndërkombëtare. Ajo ka kuruar ekspozita në disa vende të Evropës dhe ka qenë e angazhuar në projekte kulturore që promovojnë artin shqiptar në skenën ndërkombëtare.
