Teuta ka nisur zyrtarisht përgatitjet për sezonin e ri, nën drejtimin e presidentit të ri të klubit, Fatos Troplini. Për këtë verë, durrsakët kanë vendosur që fazën përgatitore ta zhvillojnë në qytetin e Ohrit, një destinacion i njohur dhe i përdorur shpesh nga ekipet shqiptare në vitet e fundit.
Klubi ka bërë publike edhe axhendën e ndeshjeve miqësore që do të zhvillohen gjatë qëndrimit në Maqedoninë e Veriut.
Teuta do të përballet fillimisht me ekipin e Makedonija GP më 18 korrik. Më pas, më 21 korrik do të luajë kundër skuadrës kosovare Llapi, ndërsa miqësorja e fundit do të jetë më 24 korrik përballë Vorës.
