Armando Broja kompletoi transferimin te Burnley këtë të premte të 8 gushtit. Sulmuesi i Kombëtares ka firmosur për pesë sezone me skuadrën e re.
Në fjalët e para si një lojtar i Burnley-t, Broja u shfaq shumë i lumtur, ndërsa theksoi se mezi pret të nisë aventurën e re.
“Jam shumë i emocionuar që jam këtu si lojtar i Burnley-t. Është një moment pozitiv që bashkohem me këtë klub në fillim të sezonit të ri në Premier League. Mezi pres të filloj. Ndihem shumë mirë dhe jam i emocionuar për këtë sfidë të re.
E ndjej që tani mbështetjen e tifozëve të Burnley. Mund t’ju them të gjithëve se do të jap gjithçka sa herë të vesh këtë fanellë”, u shpreh Broja.
Transferimi i sulmuesit 23-vjeçar i ka kushtuar arkave të Burnley rreth 20 milionë paund.
