Torino i shtohet listës së ekipeve të interesuara për Kristjan Asllanin. Sipas Tuttomercatoweb.com, klubi torinez po e vëzhgon mesfushorin shqiptar të Inter, që po mendon largimin edhe pse skema e këtij sezoni pritet të jetë 4-3-3, duke lënë akoma më pak hapësirë.
Asllanit i duhet të luajë rregullisht dhe kjo mund t’i mundësohet në skuadrën e drejtuar nga Marco Baroni. Tek Torino do të gjente Ardian Ismajlin, i cili u afrua këtë verë duke firmosur për 2 vite me mundësi zgjatjeje edhe një të tretë.
Kristjan Asllani, i cili është pjesë e Inter prej 3 sezonesh, mbetet një dëshirë edhe e Fiorentinës apo Bolognas. Inter e vlerëson kartonin e Asllanit nga 16–18 milionë euro.
Futbollisti i Kombëtares është nën kontratë me zikaltërit deri në 30 qershor të 2028, por aktivizimi i pakët me këtë skuadër po e bën lëvizjen e tij të nevojshme.
