Aktualitet

Tentuan të hynin në ambasadë, policia zvicerane përdor plumba gome në protestën anti-Iran

Shkruar nga Liberale
Tentuan të hynin në ambasadë, policia zvicerane përdor

Policia zvicerane ka përdorur plumba gome gjatë një proteste pranë Ambasadës së Iranit në Bern, teksa dy persona kaluan rrethojat e Ambasadës dhe hoqën flamurin Iranin që po valëvitej pranë misionit diplomatik të Teheranit.

Autoritetet nuk raportojnë për të lënduar në këtë protestë, e cila ishte një prej dhjetëra protestave të ngjashme që u mbajtën në mbarë botën, në solidaritet me protestat që po mbahen në Iran pas vdekjes së një gruaje 22-vjeçare, e cila vdiq teksa po mbahej nga Policia.

Mahsa Amini vdiq më 16 shtator pasi ishte arrestuar nga Policia e moralit, nën dyshimet se nuk kishte respektuar rregullat e veshjes së hixhabit, apo shamisë së kokës. Që nga vdekja e saj, në Iran janë organizuar protesta.

Në Bern, Policia tha se ka përdorur plumba gome pasi disa protestues, gjatë demonstratës së paautorizuar, tentuan të hynin në oborrin e Ambasadës së Iranit.

Dy persona që arritën të hynin në oborrin e Ambasadës janë arrestuar, njoftoi Policia.

Më 1 tetor, protesta janë mbajtur në 159 qytete në mbarë botën, tha një organizatë iraniane për të drejtat e njeriut.

 

Liberale Newsroom

Poll
SHQIPENGLISH