Pranvera është stina perfekte për të udhëtuar. Moti është i ngrohtë, natyra fillon të gjallërohet dhe qytetet marrin jetë. Në këtë kohë, ka shumë mundësi për të zbuluar vende të reja, qoftë pranë nesh në Ballkan apo më larg në qytete të njohura europiane.

Nëse do një udhëtim me autobus dhe një guidë turistike, mund të vizitosh qytete si Budva, Kotori dhe Dubrovniku, ku mund të shijosh detin dhe arkitekturën mesjetare. Ohri dhe Struga janë ideale për ata që duan qetësi dhe natyrë të bukur. Selaniku dhe Meteora në Greqi janë një kombinim perfekt mes qytetit dhe vendeve historike me pamje të jashtëzakonshme. Po ashtu, Sarajeva ofron një përvojë ndryshe me kulturë të pasur dhe ushqim të mirë.

Nëse preferon të udhëtosh me avion, Roma, Amsterdami, Vjena, Parisi, Barcelona, Praga dhe Stambolli janë disa nga qytetet që vlejnë për t’u vizituar në pranverë. Secili ka bukurinë dhe veçantinë e tij, nga historia dhe arkitektura, te natyra dhe kultura.

Për ata që duan të udhëtojnë me makinë, ka shumë vende të bukura për të zbuluar në Shqipëri dhe rreth saj. Berati dhe Gjirokastra janë plot histori dhe bukuri arkitekturore. Valbona, Thethi dhe liqeni i Komanit ofrojnë peizazhe të mrekullueshme për ata që duan natyrën. Ndërkohë, Manastiri, Prespa dhe Janina janë vende të qeta, perfekte për një fundjavë ndryshe.