Pas shtatë orësh nën rrënoja, 5-vjeçarja Ajshe, arriti të shpëtojë falë ndërhyrjes profesionale të ekipeve të emergjencës. Ndërtesa gjashtë katëshe, e vendosur në qendrën e qarkut Kahramanmaras, Pazarcik, u shemb nga tërmeti që ndodhi në orët e para të ditës së hënë.
Nën rrënoja mbeti edhe familja Güneş me 4 anëtarë që jetonte në ndërtesë. Disa orë më vonë, zëri i Ajshes, vajzës së vogël të familjes, u dëgjua.
Ekipet u përpoqën të ruanin qetësinë duke biseduar vazhdimisht me vajzën 5-vjeçare. Vogëlushja u dërgoi edhe një mesazh ‘Jam mirë’ ekipeve nga nën rrënoja.
Ajshe e vogël u nxor nga rrënojat 7 orë pas tërmetit si rezultat i punës së ekipeve. Ajo u bashkua me familjen e saj dhe u dërgua në spital.
