Një VIDEO e shuplakës që duket se tregon Zonjën e Parë të Francës Brigitte Macron duke e goditur burrin e saj në fytyrë ndërsa çifti zbarkoi në Vietnam këtë fundjavë bëri xhiron e mediave franceze dhe ndërkombëtare të hënën. Presidenti Emmanuel Macron ka hedhur poshtë spekulimet se kamerat e botës mund të kenë qenë dëshmitarë të një grindjeje në familje, duke thënë se at të dy thjesht po “kalonin” dhe ishin duke bërë shaka.

Presidenti i Francës Emmanuel Macron dhe gruaja e tij Brigitte Macron zbritën nga avioni pas mbërritjes së tyre në Aeroportin Ndërkombëtar Noi Bai në Hanoi më 25 maj 2025.

Momenti i shuplakës

Mediat franceze të hënën u përpoqën të deshifronin ndërveprimin që kamerat vunë re përmes derës së sapohapur të avionit ndërsa çifti zbarkonte në Hanoi të dielën për fillimin e një turneu në Azinë Juglindore. Titulli i një artikulli në faqen e internetit të gazetës Le Parisien ishte: "Shuplakë apo "përleshje"? Imazhet e Emmanuel dhe Brigitte Macron që zbarkojnë në Vietnam shkaktuan shumë komente dhe u bëjnë lajm botëror.

Macron pas ngjarjes u tha gazetarëve se çifti – i martuar që nga viti 2007 pas takimit në shkollën e mesme ku ai ishte student dhe ajo mësuese – thjesht po bënin shaka.

"Ne po kalonim dhe, me të vërtetë, po bëja shaka me gruan time," tha ai, duke shtuar se incidenti ishte i zmadhuar: "U interpretua si një lloj katastrofe gjeo-planetare."

Ai shtoi se video të tjera të ngjashme ishin keqinterpretuar. Si ato që supozohet se e tregojnë atë duke ndarë një qese me kokainë ose duke u zënë me presidentin turk. "Asnjë nga këto nuk është e vërtetë," tha ai, prandaj "të gjithë duhet të qetësohen". /Liberale.al/