Një grindje përfundoi me gjakderdhje, në orët e para të mëngjesit të sotëm. Kështu vdiq Assunta Carbone , Susy për miqtë e saj, 54 vjeç, e sulmuar nga partneri i saj Alessandro Raneri, 55 vjeç, elektricist.
Gruaja u vra me një objekt të topitur ndoshta me kllapën e një ventilatori, dhe vdiq në dhomën e ndenjes së shtëpisë së saj, në një apartament në katin e dytë të një ndërtese.
Burri, pas vrasjes së gruas mori makinën dhe u nis për në liqenin e madh të Aviglianës.
Këtu, ndoshta me disa pesha që kishte vendosur mbi shpinë, ai do t'i kishte marrë jetën vetes. Dikush do ta kishte parë të hidhej nga bregu me qëllimin e qartë për t'i dhënë fund gjithçkaje.
Assunta Carbone ishte e njohur në fshat.
Një shoqe e saj, së bashku me vëllain e Ranerit, gjetën trupin e pajetë të gruas. Ata hapën derën e shtëpisë dhe u përballën me tmerrin.
