Lule dhe një lodër e lënë pranë vendit të ngjarjes në Tillett Close, Stonebridge, në Brent, në veriperëndim të Londrës, ku një vajzë 15-vjeçare, dy djem të moshës tetë dhe katër vjeç dhe një grua 43-vjeçare vdiqën pas një zjarri që ra në shtëpinë e tyre, në orët e para të së shtunës. Një burrë 41-vjeçar u arrestua në vendngjarje me dyshimin për vrasje dhe mbetet në paraburgim.

Kryefamiljari, gruaja dhe tre fëmijët e të cilit vdiqën në një zjarr në shtëpinë familjare në veri të Londrës, është "i shkatërruar" dhe qëndron zgjuar pranë shtratit të vajzës së tij të mbijetuar, e cila gjithashtu u plagos, tha një mik i familjes.

Babai, 43 vjeç, pësoi djegie pasi u përpoq të shpëtonte gruan e tij Nusrat Usman, 43 vjeçe, dhe fëmijët e tyre Maryam Mikaiel, 15 vjeç, Musa Usman, 8 vjeç, dhe Raees Usman, 4 vjeç, pasi flakët shpërthyen në shtëpinnë e tyre.

Usman Ghanin një ish-shofer autobusi, "jetoi për familjen e tij", sipas një miku të familjes që foli për Metro.
Vajza e mbijetuar e çiftit, 13 vjeçe, ndodhet në spital duke luftuar për jetën e saj.
Miku i familjes tha: ‘Ai është një shpirt i dashur që jeton për familjen e tij. Ai është duke luftuar për të siguruar ushqimin e familjes dhe është i shkatërruar dhe në tronditje totale.”
“Ai u kthye në shtëpi në përpjekje për të shpëtuar familjen e tij dhe ka pësuar djegie. Vajza e tij është plagosur rëndë. Ai është pranë shtratit të saj në spital, duke u lutur që ajo të kalojë. Është gjithçka që i ka mbetur”.

Zjarri ra pas mesnate të së shtunës, 24 maj. Tragjedia ndodhi në një familje pakistaneze britanike. “Familja e njihte të tyren për 30 vjet. Ata janë njerëz të dashur, aq të respektuar në komunitet.”
“Kjo është arsyeja pse kaq shumë njerëz u përpoqën të ndihmonin kur shpërtheu. Ata janë fqinjë shumë të dashur” tha miku i familjes ku ndodhi tragjedia.