Ministri i Jashtëm i Gjermanisë deklaroi të hënën se Irani duhet të përfshihet në bisedime të drejtpërdrejta me SHBA-në pas sulmeve amerikane ndaj objekteve bërthamore iraniane, duke theksuar se Bashkimi Evropian është ende i gatshëm të ndërmjetësojë në negociata. “Irani shpreh dëshirën për të negociuar vetëm me Evropën, çka është një sinjal pozitiv, por kjo nuk mjafton. Duam të shohim SHBA-në të përfshirë,” u shpreh ministri gjerman Johann Wadephul para takimit të ministrave të jashtëm të BE-së në Bruksel. Ai shtoi gjithashtu: “Përsëris thirrjen time që Irani të jetë i gatshëm për bisedime. SHBA-të na kanë kërkuar të mbajmë kontakte të vazhdueshme gjatë javëve të fundit.”
