Italiani po udhëtonte në autostradën Transfagarasan, një zonë në Rumani, por pasi u ndal me motoçiklistë të tjerë, u sulmua nga kafsha.
Shtetasi italian 48-vjeçar u vra në Rumani nga një ari ndërsa po ngiste motoçikletën në autostradën Transfagarasan, në zonën Arefu , rreth 500 metra nga diga Vidraru drejt Balea Lac .
Thuhet se ai u ndal së bashku me motoçiklistë të tjerë të huaj kur u sulmua dhe u tërhoq zvarrë në pyll nga kafsha. Trupi i tij u gjet më vonë nga ekipet e shpëtimit.
Imazhe të ariut të bëra para sulmit thuhet se u gjetën në telefonin e viktimës. Autoritetet kanë nisur një hetim për incidentin. /Liberale.al/
