I lindur në Bazel Taulant Xhaka zgjodhi të luante me Shqipërinë. Në 31 ndeshje (2014-2019) kohë kur Kombëtarja e drejtuar nga Gianni de Biasi arriti suksesin e parë historik, atë të kualifikimit në Europianin “Francë 2016”. Me kuqezinjtë, Xhaka shënoi një gol ndërsa do të kujtohet për grintën dhe shpirtin e lartë luftarak
Në moshën 34-vjeçare, numri 34 i FC Basel i dha fund karrierës në Zvicër. Ish-kapiteni i Kombëtares shqiptare Taulant Xhaka, ishte në fushë si kapiten edhe në ndeshjen e fundit dhe u zëvendësua pas 34 minutash (një simbol nderimi për të).
Rreth një orë para fillimit të ndeshjes, Xhaka mori edhe lamtumirën që meriton nga tifozëria me koreografi speciale, ovacione dhe lotë.
Stafi i FCB-së dhe shokët e tij të ekipit formuan një ‘roje nderi’ për hyrjen e Taulant Xhakës. Grupi i tifozëve “Muttenzerkurve’ ia kushton atij koreografinë e vet. "Tauli" është shkruar me shkronja të mëdha.
Në stadium ishin shokët dhe legjendat e FCB-së si Breel Embolo, Beni Huggel, Valentin Stocker dhe Marco Streller e ndjekin. Të gjithë i japin Xhakës një përqafim të përzemërt në mes të fushës në ‘St. Jakob-Park’.
Nuk mungoi as vëllai, Granit Xhaka, i cili ngriti peshë tifozërinë me lajmin ‘bombë’: "Njëri Xhaka po largohet, por së shpejti edhe tjetri do të kthehet këtu". Taulant Xhaka nuk mungoi me mesazhin e tij për mbështetësit në stadium.
"Mund të shikoj veten në pasqyrë dhe të them: 'Dhashë gjithçka për këtë fanellë'", tha ai.
Shtatë tituj kampionë dhe katër kupa, Xhaka tërhiqet si legjendë e futbollit të Bazelit. Ai u bashkua me akademinë e të rinjve të FCB në vitin 2003 dhe mezi arriti deri në ekipin e parë. Me përjashtim të një huazimi njëvjeçar e gjysmë te Grasshoppers, qendërmbrojtësi ka luajtur gjithmonë për kuqeblutë.
Xhaka fitoi titullin e tij të shtatë të kampionatit zviceran me FCB këtë sezon. Ai gjithashtu fitoi kupën katër herë dhe do të ketë mundësinë të fitojë një titull të pestë kupe, të dielën e ardhshme kundër FC Biel.
Ndeshja e fundit e plotë e Xhakës ishte kundër Grasshoppers në Superligë, më 14 dhjetor. Ai sot luajti ndeshjen e tij të 407-të dhe të fundit zyrtare për Baselin kundër Luzernit.
