Bashkëshortja e Lionel Messit, Antonela Roccuzzo, ka zgjedhur një mënyrë krejt ndryshe dhe plot humor për t’i uruar ditëlindjen legjendës së futbollit në 38-vjetorin e tij.
Në vend të një urimi tradicional, Antonela ka surprizuar Messin me një tortë të personalizuar me temën e Smurf-ëve, që ka sjellë shumë buzëqeshje dhe komente të ngrohta nga ndjekësit në rrjetet sociale.
Në një postim të publikuar në “Instagram”, ajo ndau një foto të tortës blu me dizajn të kuruar deri në detaj, duke e shoqëruar me një dedikim të sinqertë, por edhe lozonjar:
“Gëzuar ditëlindjen, plak i nevrikosur! Babai më i mirë, partneri më i mirë, më i miri në gjithçka!!! Sa me fat jemi që të kemi! Të duam”.
