Granit Xhaka mund të bëhet shumë shpejt lojtari më i ri i Milanit. Sipas mediave të huaja, Bayer Leverkusen ka zbutur kërkesat financiare për mesfushorin shqiptar, duke ulur çmimin nga 15 milionë euro në 8-10 milionë euro, çka ka hapur rrugën për përparimin e bisedimeve.
Marrëveshja është futur në fazën vendimtare, ndërsa ditët në vijim pritet të jenë vendimtare për finalizimin e operacionit. Nëse transferimi realizohet, do të jetë hera e parë që Xhaka do të luajë në Serie A, pas eksperiencave të tij në Gjermani dhe Angli.
Milani e sheh Xhakën si një përforcim me peshë për mesfushën, dhe lëvizja mund të zyrtarizohet brenda pak ditësh.
