Bota e artit është në zi pas ndarjes nga jeta të aktorit të njohur britanik, David Killick. Ai ndërroi jetë në moshën 87-vjeçare, pas një sëmundjeje të shkurtër.
Lajmin e konfirmoi agjenti i tij, duke bërë me dije se Killick u shua më 4 korrik në Londrën e Veriut.
David Killick u bë i njohur për publikun me rolin e tij si patolog në serialin e famshëm britanik “A Touch of Frost”, ku luante përkrah aktorit të njohur David Jason. Ai u shfaq edhe në sezonin e pestë të serialit të suksesshëm “The Crown” në Netflix, ku interpretoi një figurë të rëndësishme historike.
I lindur në vitin 1938 në Edmonton, Middlesex, Killick kishte një karrierë të gjatë në televizion, teatër, radio dhe dublim. Ai ka marrë pjesë në shumë seriale të dashura për publikun britanik, si “Midsomer Murders”, “The Bill”, “Shakespeare & Hathaway”, “Without Motive”, “Lovejoy” dhe të tjerë.
David Killick do të kujtohet për talentin e tij të veçantë, përkushtimin ndaj artit dhe karakterin e tij të butë e njerëzor.
Humbja e tij lë një boshllëk të madh në botën e artit dhe kulturës britanike.
