Këshilli Kombëtar i Trashëgimisë Kulturore Jomateriale ka shpallur sot Dollinë Shqiptare si një Vlerë Kombëtare të Trashëgimisë, duke njohur rëndësinë e saj si ritual zakonor që mishëron mikpritjen dhe bashkimin familjar e shoqëror. Studiuesi Sherif Bundo thekson se ky është hapi i parë drejt përgatitjes së dosjes për njohje nga UNESCO. Dollia, e udhëhequr tradicionalisht nga “dollibashi”, ka ndryshime sipas krahinave, por ruan gjithnjë thelbin e respektit dhe nderimit ndaj mikut. Ky vendim vlerëson një pjesë të rëndësishme të identitetit kulturor shqiptar.
/Sindi Bocova/Liberale.al/
