Mbrëmja e djeshme në amfiteatrin antik të Durrësit u kthye në një përjetim të paharrueshëm falë zërit të mrekullueshëm të sopranos së madhe shqiptare Inva Mula. Nën qiellin e hapur dhe mes gurëve mijëravjeçarë, muzika u bë ura që lidhi të shkuarën me të tashmen, duke dhuruar emocione të papërsëritshme.
Publiku, i emocionuar dhe i entuziazmuar, përjetoi një performancë unike që dëshmoi edhe një herë madhështinë artistike të një prej zërave më të ndritur të skenës ndërkombëtare.
"Faleminderit Inva Mula që na e solle artin në një formë kaq të pastër dhe të thellë!" - shkruan deputetja Klodiana Spahiu, e cila shpërndau edhe pamjet nga koncerti i mbrëmjes së djeshme.
Durrësi, i mbushur me histori dhe kulturë, tregoi edhe një herë se është një skenë ideale për artin e vërtetë.
