Numri i studentëve në Universitetin e Elbasanit po tkurret nga viti në vit.

Ndoshta në një të ardhme të shpejtë në rrethe nuk do të kemi më universitete. Ironikisht ende nuk po zbulohen shkaqet pse shqiptarët dhe të rinjë largohen, me qëllim që ky fenomen të parqndalohet.

Për pasojë disa degë të gjuhëve të huaja që nuk kanë inters do të mbeten të arkivuara edhe për këtë vit akademik. Drejtuesit e universitetit thonë se po bëhen përpjekje të mëdha që të ruhen degët bazë të mesuesisë që janë edhe kryesoret në kurikukat e studimit.

Deget e studimit të gjuhëve të huaja nuk pritet te hapen as këtë vit në Universitetin e Elbasanit pasi studentet nuk shfaqin interes për t’i ndjekur, ndërsa numri i marurantëve që registrohen ka shënuar rënie drastike. Prej disa vitesh shumë degë nuk janë më aktive në Universitetin Aleksandër Xhuvani ç’ka ka detyruar senatin akademik që të vendosë mbylljen e tyre.

“Rezikohen programet e studimit të gjuhëve të huaja, frengjisht, gjermanisht, italisht, histori dhe gjuhë gjermani, gjeografi dhe gjuhë italiane, fizikë kompjuterike e ndonjë tjetër”, tha Bujar Muharremi, Drejtor i kurikulave në Universitetin e Elbasanit.

Drejtori i Kurikulave në Universitetin e Elbasanit Bujar Muharremi thotë për Report TV se janë bërë përpjekje të mëdha që të ruhen degët bazike, siç janë ato të mësuesisë, për arsimin parashkollor dhe fillor, gjuhë-letërsi, matematikë-fizikë dhe biologji-kimi.

“Nisur nga ecuria e regjistrimeve në raundin e parë, një pjesë edhe e këtyre degëve rrezikojnë të mbeten jo aktive për këtë vit akademik, megjithëse jemi ende në pritje sepse për këto lloje programe studimi ka pasur edhe një mbështetje nga ana e qeverisë për bursa, sepse hyjnë në programet prioritare”, u shpreh Muharremi.

Sipas Muharremit, në raundin e parë të regjistrimeve Universiteti i Elbasanit ka parashikuar gjithsej 2100 kuota, nga të cilat janë plotësuar 40% e tyre, me përafërsiht 850 studentë që kanë përzgjedhur degët e preferuara.

“Degët më të kërkuara kanë qenë degët e fakultetit të shkencave mjekësore teknike si infermieri e përgjithshme, infermieri-mami, fizioterapi dhe imazheri. Kanë qenë të kërkuara dhe degët e TIK dhe dega edukim fizik dhe sporte”, tha Muharremi.

Degë të tjera të kërkuara janë programet me karakter profesional 2-vjeçar. Në Universitetin e Elbasanit ka 8 programe të tilla të studimeve me karakter profesional. Në raundin e dytë numri i studentëve që kërkojnë të ndjekin styudimet në programet profesionale pritet që të rritet.