Një aksident ka ndodhur sot në Fier, në rrugën Fier–Patos, pranë vendit të quajtur “Kthesa e Portezës”.
Në aksident janë përfshirë një makinë tip "Ford" dhe autobusi i linjës “Roskovec–Fier”. Si pasojë e përplasjes, është lënduar drejtuesi i makinës. Ai është dërguar menjëherë në Spitalin Rajonal të Fierit dhe ndodhet jashtë rrezikut për jetën.
Në vendin e ngjarjes ka shkuar policia dhe grupi hetimor për të sqaruar se si ndodhi aksidenti.
